വേൾഡ് മലയാളി കൗൺസിൽ കേരള ഫോക്കസ് പബ്ലിക് ലൈബ്രറിക്ക് പുസ്തകങ്ങൾ നൽകി.

വേൾഡ് മലയാളി കൗൺസിൽ കേരള ഫോക്കസ് പബ്ലിക് ലൈബ്രറിക്ക്

പുസ്തകങ്ങൾ നൽകി.

പുനലൂർ: കേരള ഫോക്കസ് പബ്ലിക്ക് ലൈബ്രറിക്ക് വേൾഡ് മലയാളി കൗൺസിൽ (W.M.C) അമേരിക്ക റീജിയണിന്റെ നേതൃത്വത്തിൽ പുസ്തകങ്ങൾ കൈമാറി.

കേരള ഫോക്കസ് പബ്ലിക്

ലൈബ്രറി പ്രസിഡന്റ്‌ എൻ.ജനാർദ്ദനൻ അധ്യക്ഷതയും സെക്രട്ടറി വി.വിഷ്ണുദേവ് സ്വാഗതവും ആശംസിച്ച യോഗം മുൻ വനം വന്യജീവി മൃഗസംരക്ഷണ വകുപ്പ് മന്ത്രിയും കേരള ഫോക്കസ് രക്ഷാധികാരിയുമായ അഡ്വ:കെ.രാജു വേൾഡ് മലയാളി കൗൺസിൽ അമേരിക്ക റീജിയൺ വൈസ് പ്രസിഡന്റ്‌ സന്തോഷ് ജോർജ്ജിൽ നിന്നും പുസ്തകങ്ങൾ ഏറ്റുവാങ്ങി ഉദ്ഘാടനം ചെയ്തു. നഗരസഭാ വൈസ് ചെയർമാൻ വി.പി.ഉണ്ണികൃഷ്ണൻ, മുൻ നഗരസഭാ ചെയർമാൻ എം.ഏ.രാജഗോപാൽ, പുനലൂർ താലൂക്ക് ലൈബ്രറി കൗൺസിൽ സെക്രട്ടറി പ്രൊഫ.പി.കൃഷ്ണൻകുട്ടി, എം.ഏ.സാബു, മീനം രാജേഷ്, ഡോ.ബിന്ദുരാജ്, നവിലാൽ, രവികൃഷ്ണൻ, റ്റി.ഈ.ചെറിയാൻ, എന്നിവർ സംസാരിച്ചു.

തുടർന്ന് പി.കെ.മോഹനൻ, ശ്രീലത ബിജു, കൊന്നമൂട് ഗോപൻ എന്നിവർ കവിതലാപനവും കോട്ടവട്ടം തങ്കപ്പൻ നാടൻപാട്ടും അവതരിപ്പിച്ചു.