ദേ, പുരപ്പുറത്തൊരു കാർ!

 ദേ, പുരപ്പുറത്തൊരു കാർ!

ക​ണ്ണൂ​ർ: വീ​ടി‍െൻറ പോ​ർ​ച്ചി​ൽ കാ​ർ ഒ​ര​ത്ഭു​ത​മ​ല്ല. എ​ന്നാ​ൽ, ടെ​റ​സി​ലാ​ണെ​ങ്കി​ലോ. അ​തു​ക​ണ്ട് അ​ത്ഭു​ത​പ്പെ​ടു​ക​യാ​ണി​പ്പോ​ൾ പ​യ്യ​ന്നൂ​രു​കാ​ർ. പ​യ്യ​ന്നൂ​ർ മ​മ്പ​ലം ക്ഷേ​ത്ര​ത്തി​നു സ​മീ​പ​ത്തെ പ്ര​സൂ​ണി​െൻറ വീ​ടി​നു മു​ക​ളി​ലാ​ണ് ന​ല്ല ഒ​ന്നാ​ന്ത​ര​മൊ​രു പു​തു​പു​ത്ത​ൻ 'സ്വി​ഫ്റ്റ് കാ​ർ' നി​ർ​ത്തി​യി​ട്ടി​രി​ക്കു​ന്ന​ത്. റോ​ഡി​ലൂ​ടെ പോ​കു​ന്ന​വ​ർ പ​ല​രും കാ​ർ ക​ണ്ട് ആ​ശ്ച​ര്യ​പ്പെ​ട്ടു. ശ​രി​ക്ക് ശ്ര​ദ്ധി​ച്ച​പ്പോ​ഴാ​ണ് പു​ര​പ്പു​റ​ത്തു​ള്ള​ത് കാ​റി​െൻറ ശി​ൽ​പ​മാ​ണെ​ന്ന് തി​രി​ച്ച​റി​യു​ന്ന​ത്.

ചി​ല​ർ വ​ണ്ടി നി​ർ​ത്തി എ​ന്താ​ണ് സം​ഭ​വ​മെ​ന്ന് ചോ​ദി​ക്കും. സം​ഗ​തി​യു​ടെ ഗു​ട്ട​ൻ​സ് പി​ടി​കി​ട്ടി ക​ഴി​യു​മ്പോ​ൾ പു​ര​പ്പു​റ​ത്ത് ക​യ​റി കാ​റി​നൊ​പ്പം സെ​ൽ​ഫി​യെ​ടു​ക്കു​ന്ന​വ​രും കു​റ​വ​ല്ല. ജ​ങ്​​ഷ​നി​ൽ​നി​ന്ന് നോ​ക്കു​മ്പോ​ൾ ക​ണ്ണു​പ​തി​യു​ന്ന സ്ഥ​ല​ത്താ​യി​രു​ന്നു പു​തി​യ വീ​ടി​െൻറ അ​ടു​ക്ക​ള​യു​ടെ ചി​മ്മി​നി. കാ​ഴ്​​ച​ക്ക്​ അ​ഭം​ഗി​യാ​യ​തി​നാ​ൽ എ​ന്തു ചെ​യ്യു​മെ​ന്നാ​ലോ​ചി​ച്ച് വീ​ട്ടു​കാ​ർ പ​യ്യ​ന്നൂ​രി​ലെ ശി​ൽ​പി പി.​വി. രാ​ജീ​വ​നെ സ​മീ​പി​ച്ചു. ചി​മ്മി​നി​യെ കാ​റാ​ക്കി മാ​റ്റു​ക എ​ന്ന​താ​യി​രു​ന്നു രാ​ജീ​വ​ന് തോ​ന്നി​യ ബു​ദ്ധി. അ​ഭം​ഗി മാ​റു​മെ​ന്നു മാ​ത്ര​മ​ല്ല, ആ​രും ഒ​ന്നു നോ​ക്കു​ക​യും അ​തി​ലൂ​ടെ വീ​ട് കൂ​ടു​ത​ൽ സു​ന്ദ​ര​മാ​യി മാ​റു​ക​യും ചെ​യ്യും.

ടെ​റ​സി​നും കാ​റി​െൻറ ട​യ​റി​നും ഇ​ട​യി​ലു​ള്ള വി​ട​വി​ലൂ​ടെ പു​ക പു​റ​ത്തേ​ക്ക് പോ​കാ​നു​ള്ള സം​വി​ധാ​ന​വു​മൊ​രു​ക്കാം. ക​മ്പി, ക​മ്പി​വ​ല, സി​മ​ൻ​റ്, മ​ണ​ൽ, ജി​ല്ലി ഇ​വ​യാ​യി​രു​ന്നു നി​ർ​മാ​ണ സാ​മ​ഗ്രി​ക​ൾ. ആ​ദ്യം കാ​റി​െൻറ മാ​തൃ​ക​യി​ൽ ക​മ്പി​യും നെ​റ്റും കെ​ട്ടി ഉ​റ​പ്പി​ച്ച​തി​നു​ശേ​ഷം കോ​ൺ​ക്രീ​റ്റ് ചെ​യ്തു. പി​ന്നീ​ട് ഒ​റി​ജി​ന​ൽ കാ​റി​​െൻറ കൃ​ത്യ​മാ​യ അ​ള​വി​ൽ മാ​ർ​ക്ക് ചെ​യ്ത്​ ചാ​ന്തു തേ​ച്ചു​പി​ടി​പ്പി​ച്ചു മി​നു​ക്കി​യെ​ടു​ത്തു.

12 അ​ടി നീ​ള​ത്തി​ലും ആ​റ​ടി ഉ​യ​ര​ത്തി​ലും അ​ഞ്ച​ടി വീ​തി​യി​ലു​മാ​ണ് കാ​ർ പ​ണി​ത​ത്. സ്വി​ഫ്റ്റ് കാ​റി​െൻറ അ​തേ വ​ലു​പ്പം. ചി​മ്മി​നി നേ​ര​ത്തെ നി​ർ​മി​ച്ച​തി​നാ​ൽ ചു​മ​രോ കോ​ൺ​ക്രീ​റ്റോ പു​റ​ത്തു​കാ​ണാ​ത്ത വി​ധ​ത്തി​ൽ കാ​ർ പ​ണി​യു​ക എ​ന്ന​ത്​​ശി​ൽ​പി​ക്ക് വ​ലി​യ വെ​ല്ലു​വി​ളി​യാ​യി​രു​ന്നു. കൂ​ട്ടി​യും കു​റ​ച്ചും മാ​സ​ങ്ങ​ളോ​ളം മ​ന​സ്സി​ൽ കാ​ർ രൂ​പം പാ​ക​പ്പെ​ടു​ത്തി​യാ​ണ് പ​ണി തു​ട​ങ്ങി​യ​തെ​ന്ന് ശി​ൽ​പി പ​റ​ഞ്ഞു.

മാ​സ​ങ്ങ​ളോ​ളം ഒ​റ്റ​ക്കാ​യി​രു​ന്നു രാ​ജീ​വ​ൻ. മി​നു​ക്കു​പ​ണി​യു​ടെ അ​വ​സാ​ന ഘ​ട്ട​ത്തി​ൽ ക​ലാ​കാ​ര​ന്മാ​രാ​യ ര​മേ​ശ​ൻ ന​ടു​വി​ൽ, പ്ര​ണ​വ് മാ​ത​മം​ഗ​ലം, കെ.​വി. അ​രു​ൺ എ​ന്നി​വ​ർ സ​ഹാ​യി​ക​ളാ​യി. രാ​ത്രി​യും പ​ക​ലും പ​ണി​യെ​ടു​ത്താ​ണ് നി​ശ്ചി​ത സ​മ​യ​ത്തി​നു​ള്ളി​ൽ ശി​ൽ​പം പൂ​ർ​ണ​ത​യി​ലെ​ത്തി​ച്ച​തെ​ന്നും മു​മ്പ് തേ​ക്കു​ത​ടി​യി​ൽ മ​നോ​ഹ​ര​മാ​യ ഗാ​ന്ധി​ശി​ൽ​പം കൊ​ത്തി​യ രാ​ജീ​വ​ൻ 'മാ​ധ്യ​മ'​ത്തോ​ടു പ​റ​ഞ്ഞു.

(മാധ്യമം ഓൺലൈൻ)

SHARES

Share

Pin it

Tweet

Share

Share

Share

Buffer

Print

About VOP